माजी उपसरपंच केतन पांचाळ यांचा वाढदिवस समाजसेवेच्या उपक्रमातून साजरा – विद्यार्थ्यांसोबत आनंद, ग्रामस्थांसाठी सुविधा

माजी उपसरपंच केतन पांचाळ यांचा वाढदिवस समाजसेवेच्या उपक्रमातून साजरा – विद्यार्थ्यांसोबत आनंद, ग्रामस्थांसाठी सुविधा

डहाणू : चिंचणी गावातील माजी उपसरपंच आणि सामाजिक कार्यकर्ते केतन पांचाळ यांनी आपला वाढदिवस विद्यार्थी आणि ग्रामस्थांसोबत साजरा करून एक अनोखा उपक्रम राबविला. या उपक्रमामुळे गावातील विद्यार्थी, पालक, शिक्षक तसेच इतर ग्रामस्थांमध्ये आनंद आणि उत्साहाचे वातावरण निर्माण झाले.

केतन पांचाळ यांनी वाढदिवसाच्या दिवशी जिल्हा परिषद शाळा क्रमांक ३ मधील विद्यार्थ्यांसोबत आनंदी वातावरणात वाढदिवस साजरा केला. यावेळी विद्यार्थ्यांना खाऊ, चॉकलेट यांचे वाटप करण्यात आले. तसेच परिसरातील विविध पाड्यांवर मिठाई आणि फराळ वितरण करून गावकऱ्यांना तसेच परिसरातील प्रवाशांना सहभागी करण्यात आले. शिवाय, ग्रामस्थांच्या सोयीसाठी आणि सार्वजनिक सुविधांसाठी चिंचणी परिसरातील विविध प्रभागांमध्ये बाकडे बसविण्याचे कामही या कार्यक्रमाद्वारे करण्यात आले. या उपक्रमामुळे गावातील विद्यार्थी, पालक आणि शिक्षकांनी संतोष व्यक्त केला.

केतन पांचाळ हे चिंचणी ग्रामपंचायतीचे माजी उपसरपंच असून, त्यांच्या कार्यकाळात अनेक सामाजिक आणि विकासात्मक निर्णय राबविले गेले. आजही त्यांच्या योगदानाला ग्रामस्थ सन्मान देतात आणि त्यांचे काम स्मरणीय मानतात. या कार्यक्रमाला बावडा येथील धनंजय पाटील, भूषण संखे, प्रफुल करवीर, आकाश चुरी, प्रणय अंभिरे, रुपेश बारी तसेच अनेक ग्रामस्थ उपस्थित होते. सर्वांनी केतन पांचाळ यांना वाढदिवसाच्या शुभेच्छा देऊन त्यांच्या सामाजिक उपक्रमाचे कौतुक केले.